Færnimerki eru viðurkenning
Færnimerki eru hvatakerfi þar sem skátar geta öðlast viðurkenningu fyrir að tileinka sér nýja færni. Færnimerkin eru af margvíslegum toga og tengjast öll því sem talið er kjarnastarfsemi skátastarfs.
Algengt er að vinna með skátastarf í dagskrárhringjum sem taka 3-5 vikur og tekur jafn marga fundi að tileinka sér nýju færnina. Til að ávinna sér færnimerkið þarf foringi að staðfesta að viðkomandi skáti hafi staðist þau viðmið sem krafist er af honum/henni til að hljóta merkið.
Færnimerki eru fjölbreytt
Færnimerki geta verið af ýmsum toga og fást bæði við bæði verklega og félagslega færni. Verkleg færni getur t.a.m. verið útieldun, meðhöndlun elds, súrrun, hnútar, rötun o.fl. Félagsleg færni getur t.a.m. verið góðverk, lýðræði, samtal, samstarf o.fl. Markviss vinna með færnimerkin hjálpar skátunum að setja sér markmið og finna fyrir eflingu og viðurkenningu þegar þeir ná settu marki.
Frekari upplýsingar um færnimerkin má finna með því að smella á þau hér að neðan eða smella hér til að skoða vefinn skatamal.is.
