Kröfur

Til að fá færnimerkið “Lífsskoðun” þarftu að ígrunda jörðina, alheiminn og hvernig allt varð til.

Hér eru nokkrar tillögur til að hjálpa þér að lýsa trú/lífsskoðun þinni og kynnast trú/lífsskoðunum annarra: Finndu textabrot, ljóð, lag eða atriði í kvikmynd eða sjónvarpsþætti sem þér finnst lýsa vel þinni lífsskoðun og hvernig þú vilt haga þínu lífi. Deildu því með öðrum í flokknum/sveitinni þinni og ræðið og rökstyðjið valið.

Að auki skaltu velta fyrir þér eftirfarandi spurningum og kannaðu hvað þeim, sem aðhyllast aðra lífsskoðun en þú, finnst um þær:

• Á hvað trúir þú?
• Hvað er gott í þinni trú/lífsskoðun?
• Hvað í þinni trú/lífsskoðun færir þér hamingju?
• Er eitthvað sem hindrar þig í að hafa þessa trú/lífsskoðun?
• Er til guð/ir?
• Hvað gerist þegar við deyjum?

Athugaðu hversu marga þú þekkir sem aðhyllast aðra trú/lífsskoðun en þú, vinir, skólafélagar, nágrannar o.s.frv. Taktu viðtöl við einhverja tvo þeirra sem eru virkir í sinni trú/lífsskoðun og leggðu fyrir þau spurningarnar að ofan. Kynntu niðurstöðurnar fyrir flokknum/sveitinni þinni. Talaðu við einhvern af annarri kynslóð (foreldrar eða afar/ömmur) hvernig lífið var þegar þau voru á þínum aldri. Á hvað trúðu þau? Hefur eitthvað breyst síðan þá?

Hefur trú/lífsskoðun þín e.t.v. haft áhrif á skátastarf þitt? Á hvaða hátt? Taktu þér góðan tíma í verkefnið og ígrundaðu vandlega hvers þú hefur orðið vísari.